Komuna e Malishevës e gatshme për fushatën e korrje shirjeve

27/06/2016 Institucionet

Sot është mbajtur mbledhja e rregullt e Këshillit të Drejtorëve, që drejtohet nga kryetari i Komunës së Malishevës, Ragip Begaj, ndërsa në këtë mbledhje, drejtori për bujqësi, Haxhi Krasniqi, ka deklaruar se kjo drejtori është bërë gati për fillimin e sezonit të korrje shirjeve në Komunën e Malishevës.

“Jemi bërë gati si drejtori për fillimin e sezonit të korrje shirjeve, i kemi bërë të gjitha përgatitjet si dhe kemi formuar shtabin komunal, që do ta mbikëqyr tërë fushatën e korrje shirjeve”, ka thënë drejtori Krasniqi, në mbledhjen e sotme të qeverisë komunale të komunës së Malishevës.

Po ashtu në këtë mbledhje janë diskutuar edhe çështje tjera, ndërsa  drejtoria e shërbimeve publike, ka bërë të ditur se kanë filluar bëhen kërkesa nga ana e qytetarëve për ujë për pije. “Temperaturat e larta, kanë bërë që qytetarët e kësaj komune të kërkojnë të furnizohen me ujë për pije”, u tha nga përgjegjësit e kësaj drejtorie.

Kurse sa i përket gjendjes epidemiologjike, u rikonfirmua se nuk ka raste të infektimit me EHKK, ndërsa ka përfunduar cikli i tretë i repelimit të kafshëve dhe faza e dytë e dezinsketimit të zonave të cilësuara endemike.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara