Komuna e Malishevës e gatshme për procesin e regjistrimit të popullsisë në Kosovë

28/09/2023 Institucionet

Sot është mbajtur mbledhja e parë e Komisionit Komunal të Regjistrimit të Popullsisë në Komunën e Malishevës, që kryesohet nga kryetari i Komunës së Malishevës, z. Ekrem Kastrati, dhe në përbërje të zyrtarëve tjerë komunalë, përfaqësues të ASK-së, si dhe të shoqërisë civile. Në këtë mbledhje të parë të këtij Komisioni është diskutuar rreth përgatitjeve të nevojshme për procesin e regjistrimit të popullsisë, ekonomive familjare dhe banesave në Kosovë, me theks të veçantë në territorin e Komunës së Malishevës. Kryetari Kastrati është shprehur se Komuna e Malishevës është e gatshme për këtë proces tejet të rëndësishëm për vendin, dhe madje ka kërkuar nga anëtarët e KKR-së, që të punojnë me kapacitete të plota derisa i gjithë ky proces të përmbyllet, konform afateve të parapara kohore. Komisioni Komunal për Regjistrimin e Popullsisë në Komunën e Malishevës në fund të këtij takim fillestar ka bërë thirrje që të informohen sa më shumë qytetarët e komunës së Malishevës, që të aplikojnë në konkursin për pranimin e Regjistruesve dhe Mbikëqyrësve që do të angazhohen në këtë proces, konkurs ky që do të jet i hapur deri më 2 tetor 2023.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara