Komuna e Malishevës ndihmon edhe të moshuarit që jetojnë vetëm

03/04/2020 Institucionet

Në këtë periudhë kur Komuna e Malishevës, është në karantinë, qytetarët nuk mund të lëvizin, por ka prej tyre që janë në moshë të shtyrë dhe jetojnë vetëm, ndërsa jeta e tyre bëhet edhe më e vështirë, pasi nuk mund ti vizitoj askush. Një prej tyre është edhe H.G. nga Kijeva, të cilën e ka vizituar nënkryetari i Komunës së Malishevës, Hajdin Berisha dhe e ka ndihmuar me pako ushqimore. Gjendja e saj, është lajmëruar nga banorët e Kijevës, dhe në bashkëpunim me kryetarin e Kijevës, Bashkim Gashi, nënkryetari Berisha, e ka vizituar dhe i ka ofruar mbështetjen e komunës, duke e siguruar se asaj nuk do ti mungoj asgjë për jetesë. “Apeloj tek të gjithë ata që kanë njohuri për raste të tilla, për familje në nevojë emergjente, për persona të moshuar të cilët nuk mund të dalin për tu furnizuar, qoftë për shkak të kushteve ekonomike, qoftë për shkak të kufizimit të lëvizjeve, ta njoftojnë komunën, pasi ne jemi 24 orë në ditë, në shërbim të qytetarëve dhe të gjitha rastet e tilla, të identifikuara do të ndihmohen, në çdo kohë dhe në çdo vend të territorit të Komunës së Malishevës”, ka thënë nënkryetari Berisha, duke ju bërë thirrje që të na kontaktojnë për raste të tilla të familjeve në nevojë, që nuk mund të lëvizin gjatë kësaj periudhe, për shkak të kufizimit të lëvizjes dhe sigurisë për të mbrojtur nga COVID-19.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara