Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komuna e Malishevës me orën letrare, të organizuar nga Drejtoria për Kulturë, Rini dhe Sport, në bashkëpunim me grupin letrar të Gjimnazit “Hamdi Berisha”, si dhe të Shoqatës për Kulturë dhe Letërsi, “Tafil Kelmendi”, filluan aktivitetet për shënimin e 17-të vjetorit të Pavarësisë së Republikës së Kosovës.
Ky aktivitet dhe aktivitetet e ditëve në vijim, mbahen nën përkujdesjen e Kryetarit të Komunës së Malishevës, z. Ekrem Kastrati.
Fjalën përshëndetës për nxënësit, mësimdhënësit, drejtuesit e shkollës, poetët dhe pjesëmarrësit tjerë, në emër të të parit të komunës e përcjelli, zyrtari për kulturë, Mehdi Krasniqi. “Sot bëhen 17 vjet Pavarësi të Republikës së Kosovës dhe 26 vite liri, e ne dhe ju të dashur nxënës e mësimdhënës, poetë e pjesëmarrës, kemi obligim dhe përgjegjësi, jo vetëm t’i kujtojmë dëshmorët e kombit, vlerat e UÇK-së, historinë, por edhe të angazhohemi në dhënien e kontributit, ju me arsim cilësor e vlera kulturore, ne në zhvillimin e shtetit dhe mirëqenies së njerëzve tanë, prandaj gjithë së bashku e bëjmë Kosovën më të bukur”, ka thënë Krasniqi.
