Komuna e Prishtinës dënon ashpër veprimin e Sveçlës: Goditje brutale ndaj vlerave institucionale

Tema të tjera...

Fillon repelimi i bagëtive në komunën e Rahovecit për mbrojtjen ndaj parazitëve

04/04/2025

Me nderime të larta u varrosën Vehbi Halilaj dhe Mentor Kryeziu

04/04/2025

Kryetari Aliu mirëpriti në takim klubet sportive të volejbollit dhe ping-pongut

04/04/2025

Në Ferizaj u hap panairi dy ditor i makinerive dhe aksesorëve për përpunimin e drurit

04/04/2025

Shoqata e ish të Burgosurve Politik në Ferizaj, përkujtoj një nga periudhat më të rëndësishme të historisë sonë të re, Pranvera Shqiptare e vitit 1981

03/04/2025

Komuna e Rahovecit dhe Agro Celina përkrahin kultivuesit e trangujve dhe të specave

03/04/2025

Komuna e Prishtinës ka dalë me një reagim pas publikimit të videos ku asamblisti i VV’së, Gëzim Sveçla, shihet duke i dëmtuar pajijset në sallën e Kuvendit Komunal.

Në reagim thuhet se komuna “dënon ashpër dhe me indinjatë të thellë sjelljen e asambleistit të Lëvizjes Vetëvendosje, Gëzim Sveçla, i cili vandalizoi sallën e Kuvendit Komunal, duke përdhosur institucionin dhe duke sfiduar parimet bazë të demokracisë”.

Komuna shton se ky akt është “goditje brutale ndaj vlerave institucionale dhe një fyerje ndaj qytetarëve”.

Komuna i ka akuzuar asamblistët e VV’së se kanë bllokuar iniciativat në të mirë të qytetarëve.

“Prej muajsh, asamblistët e Vetëvendosjes kanë bllokuar çdo iniciativë në të mirë të qytetarëve, duke përfshirë këtu edhe miratimin e buxhetit me qëllim që të krijojnë ngërç dhe të bllokojnë ofrimin e shërbimeve jetike për qytetarët.”

Më tutje thuhet se VV sot e demaskoi veten, duke dëshmuar se qëllimi i tyre i vërtetë ka qenë dhe mbetet: përdhosja e institucioneve dhe penalizimi i qytetarëve. Kjo sjellje është një akt i turpshëm që meriton dënimin e çdo qytetari dhe të çdo institucioni demokratik. Kërkojmë nga organet e rendit që ta trajtojnë këtë rast me seriozitet maksimal, si për pengesën që iu bë përfaqësuesve në ushtrimin e detyrave të tyre kushtetuese, ashtu edhe për dëmtimin e pronës publike. Institucionet nuk janë fushëbeteja të interesave të ngushta politike, por baza mbi të cilën qëndron mirëqenia e qytetarëve. Veprime të tilla nuk janë vetëm të papranueshme, por edhe të rrezikshme për stabilitetin tonë si shoqëri demokratike.”.

Asamblisti i VV’së në komunën e Prishtinës, Gëzim Sveçla, në një video që është publikuar, shihet duke demoluar pajisjet në sallën e mbledhjeve në Komunën e Prishtinës. Sipas asamblistit të LDK’së, Egzon Pacolli, kjo ndodhi pas miratimit të buxhetit. Më vonë shefi i asambleistëve të VV-së, G.Sveçla ka thënë se këtë veprim e ka bërë për t’i parandaluar pazaret që sipas tij, po dëmtojnë qytetarët.

Postimi:

Për të pamundësuar vazhdimin e një seance të jashtëzakonshme klandestine të Kuvendit Komunal, ku do të votohej Plani Zhvillimor Komunal dhe zgjerimi i Zonës Ekonomike, në një moment kam provuar ta defunksionalizoi mikrofonin e Kryesuesit të Kuvendit.

Edhe pse mikorfoni u rregullua, seanca u ndërpre në mungesë të kuorumit dhe, të paktën përkohësisht, nuk u miratuan projekte qe e dëmtojnë qytetin, e ngulfasin zhvillimin dhe ju shërbejnë pronave të oligarkëve duke i shndërruar nga toka bujqësore e hapësira të gjelbra në zona ekonomike.

Pazaret personale e partiake, favoret e kusuritjet për financim të fushatave zgjedhore nuk mund të bëhen në dëm të qytetit Prishtinës. Mbase veprimet për t’i parandaluar këto pazare nuk janë pamjet që do të donim t’i shihnim, por Prishtina është më e rëndësishme se çdo imazh i paraqitur.