leoni

KOMUNA E RAHOVECIT BËNË THIRRJE PUBLIKE PËR SUBVENCIONIM TË SPORTIT

19/02/2021 Institucionet

Komuna e Rahovecit, përkatësisht Drejtoria për Kulturë, Rini dhe Sport përmes kësaj shkrese ju bën thirrje publike OJQ-ve, të regjistruara në Republikën e Kosovës, që veprojnë në komunën e Rahovecit, të aplikojnë për mbështetje financiare nga subvencionet për Kulturë, Rini dhe Sport. Qëllimi i kësaj thirrjeje publike është mbështetja financiare për klubet e sportit, OJQ-të dhe sportistët individual, që aktivitetin dhe fushëveprimtarinë kryesore e kanë sportin dhe projektet që ndërlidhen me vetëdijesimin dhe përfshirjen e të rinjve të komunës së Rahovecit në aktivitete sportive.

Specifikat e thirrjes publike:

Thirrja publike për aplikim hapet më: 19.02.2021 dhe mbyllet më 11.03.2021, në orën 16:00.

– Aplikacionet e dërguara pas mbylljes së afatit nuk do të pranohen;

– Aplikacionet e pa kompletuara sipas kritereve të përcaktuara në këtë thirrje do të refuzohen;

– Zbatimi i projekteve do të monitorohet nga personi përgjegjës i përcaktuar nga DKRS;

– Mbështetësi financiar, përkatësisht Komuna e Rahovecit dhe përfituesi i subvencionit (OJQ) do të lidhin kontratë me të cilën do të përcaktohen të drejtat dhe detyrimet e palëve.

Dokumentet që duhet të dorëzohen gjatë aplikimit për ndarjen e subvencionit:

– Projekt-propozimi, përfshirë agjendën, aktivitetet, planifikimi dhe linja buxhetore në harmoni me qëllimin e projektit;

– Formulari i aplikacionit;

– Kopja e letërnjoftimit të personit të autorizuar;

– Certifikata me numër të regjistrimit të OJQ-së dhe me numër fiskal;

– Dëshmi që nuk ka obligime ndaj ATK-së;

– Kopja e kartelës së xhirollogarisë dhe konfirmimi bankar i xhirollogarisë së aplikuesit;

-Raporti financiar i vitit paraprak 2020.

Mënyra e aplikimit:

– Dorëzimi i aplikacionit bëhet në zarf të mbyllur,

– Brenda zarfit vendosen 2 kopje, i gjithë dokumentacioni origjinal,

– Dokumentacioni dorëzohet në zyrën e pranimit në objektin e Komunës sporteli nr. 7,

– Formulari i aplikimit dhe formulari financiar mund të shkarkohet në faqen e Komunës: https://kk.rks-gov.net/rahovec/

Kontrolloni gjithashtu

Smajl Latifi: Në 26-vjetorin e rënies heroike përkujtuam dëshmorët e kombit, Visar Hotin dhe Safet Latifin

Kryetari i komunës së Rahovecit, z. Smajl Latifi, në 26-vjetorin e rënies heroike, në vendin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara