Komuna e Rahovecit mbajti dëgjimin e pestë buxhetor me punëtorët e shëndetësisë

24/05/2024 Institucionet

Në ambientet e Qendrës Klinike së Mjekësisë Familjare “Fahredin Hoti” në komunën e Rahovecit, me fillim nga ora 11:50 filloi dëgjimi publik buxhetor në një dikaster mjaft të rëndësishëm dhe jetik. Në dëgjime buxhetore është shumë e rëndësishme pjesëmarrja e punëtorëve shëndetësorë, sepse në masë të madhe ata informohen për tema të rëndësishme rreth gjërave themelore, që i përkasin planifikimit sa më të hershëm të buxhetit. Kryetari i Komunës së Rahovecit z. Smajl Latifi vazhdoi duke prezantuar projeksionet e Qarkores së parë buxhetore dhe planifikimet e buxhetit rreth shëndetësisë primare në Komunën e Rahovecit. Drejtori i Drejtorisë për Buxhet dhe Financave, z. Afrim Limani, foli rreth informatave bazë të buxhetit për 2025. Buxheti komunal do të jetë rreth 20.982.000€. Granti i shëndetësisë parashihet të jetë rreth 2.452.000€. Tutje, nëse bëjmë krahasime me vitin 2024, theksoi që ka rritje të dukshme të buxhetit në shumicën e kategorive ekonomike. E pranishme në takim ishte edhe Drejtoresha e Shëndetësisë, Saranda Sallteku, e cila i dëgjoi me vëmendje të gjitha pyetjet dhe kërkesat e parashtruara. Të gjitha komentet, kërkesat dhe sugjerimet do të evidentohen nga grupi punues për buxhet.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara