leoni

Komuna e Rahovecit organizon debat publik për punën një vjeçare te Ekzekutivit

15/12/2020 Institucionet

Komuna e Rahovecit me qëllim të ngritjes së transparencës dhe me qëllim që ti mbajë të informuar qytetarët e komunës së Rahovecit në bazë të nenit 68, paragrafi 1 të Ligjit për Vetëqeverisje Lokale Nr.03/L-040, në bazë të neneve 23, 24 dhe 25 të Statutit të Komunës së Rahovecit Nr.1005 i datës 29.03.2017, nenit 7 të Rregullores Komunale për Transparencë NR.03/2019, , organizon:

D E B A T  P U B L I K

Njoftohen të gjithë qytetarët e Komunës së Rahovecit, grupet e interesit dhe palët e tjera të interesuara, se Kryetari i Komunës së Rahovecit Smajl Latifi, organizon debatin e dytë publik me qytetarë për punën një vjeçare të qeverisjes komunale për vitin kalendarik 2020. Në këtë debat do të keni mundësi të njiheni për punën, sukseset dhe sfidat e vitit që lëmë pas. Bashkëbisedimi me ju, do të jetë një ndihmesë shumë e madhe në planifikimin dhe realizimin e planit të punës për vitin e ardhshëm (2021). Pas paraqitjes së Kryetarit të Komunës, qytetarët mund t‘i bëjnë pyetje dhe komente ekzekutivit të Komunës për të gjitha temat të cilat atyre ju interesojnë. Debati publik organizohet nga Kryetari i  Komunës së Rahovecit Smajl Latifi, të martën, më: 22.12.2020, në orën: 10:00, në Shtëpinë e Kulturës ‘’ Mensur Zyberaj’’, në Rahovec. Për shkak të gjendjes se krijuar nga virusi Covid-19, debati publik do të mbahet në përputhshmëri me rekomandimet e Institutit Kombëtar të Shëndetit Publik.

Pjesëmarrja juaj është e mirëseardhur!

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara