Komuna e Rahovecit publikon programin e aktiviteteve të Akademisë Përkujtimore në 26-vjetorin e rënjes së heronjëve Toni e Mici

05/11/2024 Institucionet

Me rastin e shënimit të 26-vjetorit të rënjes së heronjëve të kombit Xhelal Hajda – Toni dhe Selajdin Mullabazi – Mici, Komuna e Rahovecit në bashkëpunim me Organizatën e Veteranëve të Luftës së UÇK-së – Dega në Rahovec ka publikuar programin e aktiviteteve të kësaj Akademie Përkujtimore që do të mbahet të mërkurën me 6 nëntor 2024. Aktivitetet nisin në ora 10.00 me nderimet te shtatoret “Toni e Mici” te parku i Qytetit në Rahovec e më pas te Kopshti i Dëshmorëve në Rahovec.

Në ora 10.30 mbahet Manifestim Përkujtimor në fshatin Opterushë te Kulla e Heronjëve: Xhelal Hajda – Toni, Selajdin Mullabazi – Mici, Hamdi Hajrizi, Bektesh Haliti, dhe Nezir Imeri.

Në ora 11.30 Dita e Shkollës Fillore të Mesme të Ulët “Xhelal Hajda – Toni”. Ky aktivitet mbahet në Shtëpinë e Kulturës “Mensur Zyberaj” në Rahovec.

Këto aktivitete në nderim të dëshmorëve mbahen në përkujdesjen e Kryetarit të Komunës së Rahovecit, z. Smajl Latifi.

Kontrolloni gjithashtu

Në Dranoc të Deçanit u organizua Darka e Lamës

Në fshatin Dranoc të Deçanit të shtunën mbrëma u organizua Darka e Lamës, një festë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara