Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komuna e Rahovecit, nën përkujdesje të Kryetarit të Komunës, Smajl Latifi në shënim të 14 qershorit Ditës së Çlirimit ka organizuar aktivitete të shumta duke filluar me pritjen e qytetarëve në zyrën e kryetari, për të vazhduar me homazhe dhe nderime në varrezat e dëshmorëve, zbulimin e shtatorëve të vëllezërve dëshmorë Feim e Bedrush Gashi në fshatin Drenoc për të përfunduar me mbajtjen e Seance Solemne. Për shënimin e këtyre aktiviteteve kryetari Latifi ka thënë se lufta dhe rezistenca për lirinë e Kosovës është frymëzim dhe vepër e popullit! Prandaj, Ditën e Çlirimit të Rahovecit e filluam duke pritur në komunë qytetarë të Rahovecit, me të cilët shkëmbyem urimet më të përzemërta me rastin e festës sonë. Urime Ditën e Çlirimit, Rahovec. Në Ditën e Çlirimit të Rahovecit, me bashkëpunëtorë, përfaqësues të OVL-së, familjarë të të rënëve, kemi bërë homazhe dhe nderime në varrezat e dëshmorëve dhe vendet që kujtojnë ata që sakrifikuan gjithçka për të arritur në këtë ditë. Lavdi të rënëve për liri”, ka thënë kryetari Latifi.
