Monday , November 25 2024

Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.

Komuna e Rahovecit shpallë konkurs për projektimin e Qendrës për Arte, Kulturë dhe Inovacion

13/11/2020 Institucionet

Tema të tjera...

Nga sot, për 40 ditë do të jetë i hapur konkursi për projektimin e Qendrës për Arte, Kulturë dhe Inovacion. Rahoveci synon që ta ketë një hapësirë shumëfunksionale për të zhvilluar aktivitetet rinore e artistike, ku do të mund të zhvillohen koncerte, shfaqje teatrale, performanca artistike e manifestime të tjera kulturore. Po ashtu, qendra do ta ketë edhe një auditorium apo sallë universale. Në ndërtesë do të përfshihet Shkolla e Mesme e Ulët e Muzikës, hapësira për lexim dhe hapësira për qendër të inovacionit. (Më gjerësisht në detyrën projektuese).

Kryetari Latifi ka thënë se: Rinia e Rahovecit ka nevojë për një qendër të këtij lloji, që do të bëhej vend i shkarkimit të energjive të tyre artistike. Rahoveci është vend i rrushit, por edhe i artistëve e sipermarrësve të suksesshëm. Investimi në potenciale njerëzore është investimi më i mençur, prandaj edhe vendosëm që një pjesë të buxhetit t’ia dedikojmë ndërtimit të kësaj qendre të planifikuar nga Drejtoria për Kulturë, Rini dhe Sport – Rahovec, e cila paraprakisht do të projektohet përmes këtij konkursi që e shpallëm sot. Programi dhe detyra projektuese e konkursit mund të shkarkohet përmes faqes online të E-prokurimit me të gjitha informatat e nevojshme. Ftohën të gjitha studiot e arkitekturës dhe arkitektët që të marrin pjesë në konkurs. Në mënyrë profesionale, projektet e tyre do të vlerësohen nga juria që në përbërje ka emra të njohur dhe me autoritet në fushën e arkitekturës dhe artit.

Pjesë e jurisë janë:

Arber Shala, arkitekt

Klodeta Krasniqi, arkitekte

Agron I. Sokoli, artist

Agi Haxhimurati, dizajner

Shpejtim Mustafa, arkitekt

Vendimi i jurisë është detyrues për autoritetin kontraktues, në këtë rast për Komunën e Rahovecit.

Kontrolloni gjithashtu

Kryetari Aliu vizitoi Qendrën Kryesore të Mjekësisë Familjare

Kryetari i Komunës së Ferizajt, z. Agim Aliu i shoqëruar nga drejtori i Shëndetësisë dhe …

Radio Kosova e Lirë 94.2 FM

Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara