KOMUNA E RAHOVECIT SHPALLET PËRFITUESE E GRANTIT PËR PERFORMANCË TË MIRË KOMUNALE NË VLERËN: 255.731 €

03/04/2020 Institucionet

Ministria e Administrimit të Pushtetit Lokal ka publikuar rezultatet për arritjen e përgjithshme të performancës më të mirë komunale dhe sipas këtyre rezultateve të publikuara, nga 38 komunat e Republikës së Kosovës, Komuna e Rahovecit është përfituese e Grantit të Performancës Komunale në mesin e 23 komunave përfituese të Republikës së Kosovës. Vlera totale e Grantit të fituar për performancë të mirë komunale është: 255,731 euro. “Përfitimi i këtij granti është dëshmi për seriozitetin, përkushtimin dhe efikasitetin e ekzekutivit komunal në Rahovec. Kemi edhe shumë punë para vetes, por jemi në rrugë të drejtë për t’u bërë shembull i mirë i qeverisjes lokale në nivel vendi. Falënderoj Ministrinë e Administrimit të Pushtetit Lokal për çmimin, donatorët: Agjencinë Zvicerane për Zhvillim dhe Bashkëpunim(SDC), Suedinë dhe Norvegjinë, po ashtu falënderoj ekipin tim, drejtorët e drejtorive për punën e tyre dhe grupin punues për performancë komunale për angazhimin. Ju siguroj se edhe në të ardhmen nuk do të mungojë angazhimi dhe përkushtimi që të kemi një performancë të duhur përfshirë planifikimin urban e rural, menaxhimin e mbeturinave si faktor kryesor i mbrojtjes së mjedisit, shërbimet publike, shëndetësore dhe kulturore, ka thënë Kryetarit Latifi.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara