Komuna e Skenderajt ua fal qytetarëve rreth 390 mijë euro të tatimit në pronë

29/11/2023 Institucionet

Kuvendi Komunal i Skenderajt ka mbajtur sot seancën e rregullt, e cila është udhëhequr nga kryesuesja Adelina Spahiu. Në këtë mbledhje, si pikë kryesore e rendit të ditës, nga e cila përfitojnë direkt qytetarët e komunës, ka qenë falja e borxhit në vlerën e 100 eurove të tatimit në pronë, fatura të vitit 2023. Me këtë rast, me votat e shumicës së anëtarëve të Kuvendit është votuar propozim-vendimi për falje të tatimit në pronë për të gjithë tatimpaguesit, që arrin vlerën afërsisht 390 mijë eurove. Kuvendi gjithashtu ka miratuar edhe pikat tjera të rendit të ditës, si në vijim:

– Shqyrtim i raportit të punës së Njësisë së Auditorit të Brendshëm, për periudhën janar –dhjetor 2023

– Propozim-vendim për caktimin e normave tatimore për tatimin në pronën e paluajtshme për vitin 2024

– Propozim-vendim për miratim paraprak të vendimit për dhënien e pronës së paluajtshme të Komunës në shfrytëzim afatgjatë deri në 99 vite, personit fizik

– Propozim-vendim për formimin e komisionit vlerësues për zbatim të procedurave për dhënien në shfrytëzim afatgjatë të pronës së paluajtshme të Komunës përmes procedurës së shprehjes së interesit

– Propozim-vendim për formimin e komisionit të ankesave për shqyrtim të ankesave të palëve në procedurën e dhënies në shfrytëzim afatgjatë të pronës së paluajtshme të Komunës

– Propozim-vendim për plotësim të ndryshimit të vendimit për KKSB-në

– Shqyrtim i raportit të Integritetit sipas Planit Komunal për Integritet

– Informatë për procesin e legalizimit për leje ndërtimore dhe për leje mjedisore

– Raporti përfundimtar i komisionit për vlerësimin e dëmeve të shkaktuara nga fatkeqësitë natyrore.

Të gjithë këto pika janë miratuar nga Kuvendi Komunal.

Kontrolloni gjithashtu

39 pemëtar ferizajas përfitues të spërkatsëve profesionale

Mbështetja për bujqit dhe fermerët ferizajas po vazhdon. Në kuadër të skemës mbështetëse për bujqit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara