Komuna e Vitisë dezinfektoj hapësirat shkollore, shëndetësore dhe fetare në fshatra

28/05/2020 Institucionet

Ndonëse po bëhen gati një muaj që kur në Komunën e Vitisë, nuk ka më asnjë rast aktiv të qytetarëve të prekur me virusin pandemik COVID-19, kjo komunë ka vazhduar të kujdesët për shëndetin e qytetarëve të saj. Si masë parandaluese gjatë ditës së djeshme Komuna e Vitisë, përmes kompanisë së kontraktuar ka bërë dezinfektimin e objekteve shkollore dhe fetare në fshatrat: Vërban, Sadovinë e Çerkezëve, Tërstenik, Fshati i Ri, Ballancë, Zhiti, Radivojcë, Budrikë, Remnik dhe Buzovikë. Ndërkaq në Pozheran dhe Devajë janë dezinfektuar hapësirat shkollore kurse në Tërpezë janë dezinfektuar shkolla, xhamia dhe ambulanta e fshatit. Përndryshe kjo komunë më parë ka bërë dezinfektimin edhe të objekteve institucionale dhe fetare në të gjitha lokalitetet e kësaj komune. Ndërkaq ndonëse komuna e Vitisë ,ishte komuna e parë e prekur në nivel vendi me virusin pandemik COVID-19, dhe kishte gjithsej 53 të infektuar kjo komunë nuk ka pasur asnjë rast të vdekjes si dhe të gjithë qytetarët janë shëruar si dhe numri i rasteve aktive ka rënë në zero.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara