Komuna e Vitisë dhe UBT nënshkruan marrëveshjen e bashkëpunimit për hartimin e Planit Zhvillimor Komunal

23/06/2020 Institucionet

Komuna e Vitisë dhe Kolegji “UBT”, kanë nënshkruar një marrëveshje bashkëpunimi për hartimin e Planit Zhvillimor Komunal për komunën e Vitisë. Qëllimi i kësaj Marrëveshje është të sigurojë një kornizë bashkëpunimi brenda së cilës UBT dhe Komuna e Vitisë hartojnë së bashku Planin Zhvillimor Komunal dhe Raportin e Vlerësimit Strategjik Mjedisor, për Komunën e Vitisë. Bashkëpunimi midis palëve do të implementohet me fokus në zhvillimin e një strategjie gjithëpërfshirëse dhe programi për zhvillim të gjithëmbarshëm e të qëndrueshëm të komunës. Si rezultate kryesore të bashkëpunimit parashihet involvimi i stafit akademik dhe profesional të Universitetit për Biznes dhe Teknologji (UBT), përfitimi nga njohuritë dhe eksperienca e tyre për të zhvilluar strategji të mirëfilltë, e bazuar në praktika të mira globale dhe në nevoja/kërkesa lokale, për t’i dhënë komunës së Vitisë kahje drejt zhvillimit të qëndrueshëm. Hartimi i Planit Zhvillimor Komunal për Komunën e Vitisë dhe Raportit të Vlerësimit Strategjik Mjedisor, për zhvillim të qëndrueshëm hapësinor, urban, socio-ekonomik dhe infrastrukturor të komunës. Harmonizimi i Planit Zhvillimor Komunal për Komunën e Vitisë me dokumentet relevante të Zhvillimit Hapësinor të Kosovës, të parapara me Ligji Nr. 04/L-174 Për Planifikimin Hapësinor, si dhe me të gjitha dokumentet tjera relevante që janë aktualisht në zbatim, si dhe me ato të planifikuara, në komunën e Vitisë, si dhe përfshirja e Planit Zhvillimor Komunal për Komunën e Vitisë dhe programit dhe planeve të veprimit brenda agjendës së zhvillimit të Komunës së Vitisë (dokumentet e planifikimit hapësinor, strategjitë e zhvillimit dhe ciklet e buxhetimit). Kjo marrëveshje bashkëpunimi u nënshkrua nga zv.kryetari i komunës Hasan Aliu dhe rektorit të Kolegjit UBT Edmond Hajrizi.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara