Komuna e Vitisë do të bëhet komuna e parë me shkollat e digjitalizuar

23/07/2018 Institucionet

Komuna e Vitisë do të bëhet Komuna e parë në nivel vendi e cila do të ketë të digjitalizuar shkollat e saj. Kjo gjë do të bëhet e mundur pasi që Kryetari i Komunës së Vitisë, Sokol Haliti ka nënshkruar një marrëveshje për bashkëfinancimin e projektit “Përkrahja e Iniciativave Shkollore” me Fondacionin Kosovë-Luksemburg të përfaqësuar nga Fisnik Beqiri, menaxher i këtij fondacioni. Sipas marrëveshjes së nënshkruar nga dy palët ky aktivitet ka për qëllim avancimin dhe zhvillimin e procesit edukativo-arsimor, duke i pajisur shkollat e përzgjedhura me laptopë dhe video projektorë dhe atë duke u bazuar në kurrikulën shtetërore të arsimit. Sipas marrëveshjes së nënshkruar ky projekt do të financohet me 80% të mjeteve nga Fondacionin Kosovë-Luksemburg kurse pjesa e mbetur prej 20% do të financohet nga vetë komuna e Vitisë. Kryetari i Komunës së Vitisë, Sokol Haliti pas nënshkrimit të kësaj marrëveshja tha se me të po ju mundësojmë nxënësve që edukimi dhe arsimimi i tyre të bëhet në hap me teknologjinë e re duke digjitalizuar shkollat. “Me të vërtetë sot kemi nënshkruar një marrëveshje të rëndësishëm i cili do të jetë në interes të plotë të sektorit të arsimit në Viti. Në ditët e sotme kur po jetojmë nën shoqërimin e teknologjisë është e rëndësishme që nxënësit tanë të përgatitën në përdorimin e teknologjisë për edukim dhe arsimim cilësorë”, u shpreh ndër tjerash Kryetari Haliti. Ai falënderoj në veçanti Fondacionin Kosovë-Luksemburg i cili ka parë të arsyeshëm që të bashkëpunoj me komunën e Vitisë në realizimin e këtij projekti të rëndësishëm. Përndryshe në nënshkrimin e kësaj marrëveshje e pranishme ishte edhe Fatbardha Emini, Drejtoresh e Arsimit në Viti e cili po ashtu pati fjalë miradije për këtë projekt.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara