Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komuna e Vitisë, konkretisht Qendra Kryesore e Mjekësisë Familjare në Viti me moton “LUFTO ME GUXIM” ka bërë hapjen e fushatës kundër kancerit të gjirit me një aktivitet simbolik.
Klubi i çiklistëve “KORRI” nga Pozherani, së bashku me ekipën e Policisë së Kosovës në Viti, punëtorët shëndetësorë dhe përfaqësues nga Spitali “Avicena” si dhe me mbështetjen dhe përcjelljen e aktivitetit nga mediumi lokal “PLUS TV” kanë mbajtur aktivitetin e parë” Marshi i çiklistëve për muajin ROZË”.
Sipas dr.Vjollca Kadolli-Halili, drejtoreshë në QKMF -Viti dhe udhëheqëse e aktivitetit, gjatë tërë muajit do të mbahen aktivitete të ndryshme, për të cilat do të bejmë njoftimin me kohë për qytetarët.
Këto aktivitete po realizohen me qëllim që të rrisim vetëdijësimin e qytetarëve për sëmundjen, e cila po prek çdo të tetën grua pothuajse, por edhe gjininë mashkullore. Prandaj, dr.Kadolli-Halili kërkon nga qytetarët që të jenë pjesë aktive e këtyre aktiviteteve në kuadër të muajit Rozë.
Ftojmë të gjithë qytetarët, që janë adhurues të bicikletave të na bashkohen në këtë aktivitet.
