Komuna e Vitisë ka mbajtur mbledhjen e këshillit organizativ për shënimin e 17 shkurtit–Ditës së Pavarësisë së Kosovës

14/02/2024 Institucionet

Në komunën e Vitisë është mbajtur sot mbledhja e këshillit organizativ për shënimin e 17 shkurtit –Ditës së Pavarësisë së Kosovës. Me këtë rast zv. kryetari i komunës së Vitisë Hasan Aliu ka theksuar se kjo është një ditë e veçantë për qytetarët e Kosovës dhe komunës së Vitisë, andaj me respektin më të madh për të gjithë ata që sakrifikuan për këtë ditë do të shënojmë edhe në Viti 16 vjetorin e themelimit të shtetit të Kosovës. Në anën tjetër edhe kryesuesi i kuvendit komunal, Bekim Azizi, theksoi se kjo datë është historike për ne prandaj ne si kuvend kemi përgatitur gjithçka për mbajtjen e seancës solemne. Ndërsa drejtori për kulturë, rini dhe sport në komunën e Vitisë, Valmir Sahiti, ka njoftuar për ecurinë e përgatitjeve dhe agjendën e aktiviteteve që do ta karakterizojnë këtë eveniment. Ai tha se edhe këtë vit festën e pavarësisë së Kosovës, Vitia do ta shënoj me shumë aktivitete kulturore e sportive. Nga ana e sigurisë në këtë takim ka folur edhe kapiteni Afrim Halili i cili u shpreh se ne si polici, jemi gati në aspektin e sigurisë dhe mbajtjen e rendit, në këtë ditë të veçantë për shtetin e Kosovës. Të pranishëm në këtë takim ishin edhe kryetari i OVL të UÇK-së Abdyl Bajrami, drejtori i shërbimeve publike, Basri Aliu, drejtori i administratës komunale, Skënderbe Hebibi dhe drejtoresha e QKMF-së në Viti Vjollca Kadolli.

Kontrolloni gjithashtu

39 pemëtar ferizajas përfitues të spërkatsëve profesionale

Mbështetja për bujqit dhe fermerët ferizajas po vazhdon. Në kuadër të skemës mbështetëse për bujqit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara