leoni

Komuna e Vitisë mobilizohet për shënimin e ditës së Zojës së Madhe në Letnicë

24/07/2024 Institucionet

Kryetari i komunës së Vitisë, Sokol Haliti, ka mbajtur sot një takim me mekanizma dhe përfaqësues të ndryshme me qëllim të realizimit sa më të mirë për shënimin e “Ditës së Zojës së Madhe”, që zakonisht mbahet në Letnicë të Vitisë më 14 dhe 15 gusht. Në këtë takim të  përbashkët kanë marrë pjesë përfaqësues të Policisë së Kosovës- Stacioni në Viti, drejtoritë komunale, kompanitë “Eco Higjiena” ,“Hidromorava”, përfaqësues të fshatrave Letnicë e Stubëll, KFOR-it, përfaqësues  fetar katolik, zjarrfikëseve, shëndetësisë e të tjerë. Në këtë takim është bërë me dije edhe plani i veprimit për mbarëvajtjen e kësaj feste, ku janë përcaktuar përgjegjësit e të gjithë mekanizmave të përfshirë në këtë aktivitet. Me ketë rast kryetari i komunës së Vitisë, Sokol Haliti ndër tjerash tha se Letnica dhe Vitia pritet të këtë fluks të madh të vizitorëve, jo vetëm për shkak të festës por edhe të bashkatdhetarëve. Ai tha se Letnica është një veçantë kulturo-historik që bashkon të gjithë pa dallime dhe se për këtë të gjithë bashkë duhet të kujdesën që ajo të shënohet në mënyrën më të mirë të mundshme. Ndërkaq përfaqësuesi i Policisë së Kosovës, stacioni në Viti, Burim Musliu,  bëri me dije se ata do të zbatojnë planin operativ lidhur me këtë festë. Përndryshe në këtë takim pjesëmarrësit  dhanë edhe propozimet e tyre se çka mund të përmirësohet apo mund të ndikoj në mbarëvajtjen sa më të mirë të kësaj feste që mbledh mysafirë jo vetëm nga vendi por edhe jashtë saj.

Kontrolloni gjithashtu

39 pemëtar ferizajas përfitues të spërkatsëve profesionale

Mbështetja për bujqit dhe fermerët ferizajas po vazhdon. Në kuadër të skemës mbështetëse për bujqit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara