Komuna e Vitisë përfituese e projektit të trajnimit për vetë-punësim

13/08/2018 Institucionet

Përfaqësues të Organizatës Help Kosova, kanë zhvilluar një takim informues me Institucionet komunale të Vitisë, ku u pritën nga kryetari Sokol Haliti, me ç’rast është biseduar rreth partneritetit për Programin e Trajnimit për Vetë-Punësim” (“Training Program for Self-Employment”), ku përfituese është komuna e Vitisë. Shqipe Breznica koordinatore e projektit dhe Gent Saraçi asistent i projektit, kanë njoftuar se Organizata Help ka nënshkruar Marrëveshjen e Grantit që do ta zbatojë projektin “Programi i Trajnimit për Vetë-Punësim” i financuar nga Projekti “FUQIZIMI i Sektorit Privat” (EMPOWER Private Sector) nga Populli Amerikan përmes Agjencisë se Shteteve te Bashkuara për Zhvillim Ndërkombëtar (USAID) dhe Agjencia Suedeze për Zhvillim Ndërkombëtar (SIDA) dhe projekti do te zbatohet në periudhë kohore prej 15 muajve. Qëllimi i projektit është zgjerimi i mundësive për punësim të të rinjve dhe synon të nxisë aftësitë e punësimit dhe ndërmarrësisë tek të rinjtë të cilët janë të margjinalizuar në komunat: Gjilan, Viti, Kaçanik dhe Han të Elezit. Në 15 muajt e ardhshëm, programi do të ofrojë trajnime për aftësitë e biznesit për rreth 200 të rinj dhe pas përfundimit, 32 propozimet më të mira të biznesit të paraqitura nga të rinjtë e trajnuar do të përfitojnë grante të vogla për të filluar biznesin e tyre. Përmes këtij projekti ne komunën e Vitisë do te përfitojnë 50 të rinj nga trajnimet për biznes dhe se paku 8 grante për punësim në formë të pajisjeve ne shumën prej 3,650 euro. Përfaqësuesit e kësaj Organizate, bënë të ditur se “Help”, që nga muaji maj 2015 është aktive në komunat: Prishtinë, Mitrovicë, Ferizaj, Graçanicë, Mitrovicë Veriore, Vushtrri, Gjakovë, Gjilan, Pejë, Prizren, Novobërdë, Suharekë, Istog, Deçan, Shtërpcë, Lipjan dhe Leposaviq dhe deri me tani kanë përfituar 1100 klientë/biznese.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara