Komuna e Vitisë pranon 50 pako ushqimore dhe 40 higjienike nga UMNIK-u për qytetarët në nevojë

15/05/2020 Institucionet

Kryetari i komunës së Vitisë, Sokol Haliti ka pritur sot në takim një delegacion të Zyrës së UMNIK-ut në Kosovës, në krye me Drejtorin e Zyrës për Mbështetjen e Komuniteteve në kuadër të UMNIK-ut, Leonid Markarian. Pas këtij takimi kryetari Haliti ka pranuar një donacion prej 50 pakove ushqimore dhe 40 pakove higjienike për qytetarët në nevojë të kësaj komune. Kryetari Haliti gjatë këtij takimi e ka njoftuar këtë delegacionin mbi zhvillimet e gjithëmbarshme në këtë komunë në veçanti rreth menaxhimit të situatës së krijuar nga COVID-19. Ai shtoj se shkaku i gjendjes së krijuar nga pandemia shumë familjeve vitiase ju është vështirësuar gjendja financiare dhe potencoi se ndihmat në pako ushqimore dhe higjienike janë të mirëseardhur. Ndërkaq Drejtori i Zyrës për Mbështetjen e Komuniteteve në kuadër të UMNIK-ut, Leonid Markarian, përgëzoj institucionet komunale të Vitisë, për menaxhimin e situatës së krijuar nga virusi pandemik COVID-19 duke potencuar se në kuadër të bashkëpunimit të UNMNIK-ut me Vitinë ata kanë dashur që përmes këtij donacioni prej 90 pakove ushqimore dhe higjienike të ju dalin në ndihmë qytetarëve në nevojë. Ai po ashtu ka thënë se Përfaqësuesin Special të Sekretarit të Përgjithshëm të UNMIK-ut Zahir Tanin, ka respekt të madh për punën të cilën e bënë kryetari Haliti për të gjithë qytetarët e kësaj komune dhe atë pa dallime. Ndërkaq donacioni i sotëm që përbëhet prej 90 pakove, 50 prej tyre ushqimore dhe 40 higjienike ju dedikohet qytetarëve të kësaj komune me gjendjen e vështirësuar financiare. Gjithashtu z. Tanin përmes delegacionit të tij ka dorëzuar sot një letër për kryetarin Haliti që shpreh interesimin për vazhdimin e bashkëpunimit. Përndryshe komuna e Vitisë ka qenë komuna e parë e prekur me COVID-19, ku gjithsej me këtë virus ishin prekur 54 qytetarë dhe tani për tani të gjithë janë shëruar.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara