Komuna e Vitisë vazhdon me aksione të pastrimit

21/10/2018 Institucionet

Komuna e Vitisë ka vazhduar me aksione të pastrimit. Kësaj radhe përfaqësues të institucioneve komunale të Vitisë së bashku me banorët e fshatrave Tërpezë dhe Zhiti dhe vullnetarë të tjerë kanë ndërmarrë një aksion të pastrimit tek vendi i quajtur “Të pishat” në Tërpezë të Vitisë. Sipas përfaqësuesve të komunës në këtë vend ka filluar edhe rregullimi i parkut i cili përveç se do të ofrojë mundësi të mira për pushim dhe piknik do të jetë edhe një vend i rekreacionit i cili do të pajiset po ashtu me fushë sportive. Ndërkaq në këtë pjesë pritet të mbjellën po ashtu drunj dekorativ si dhe do të vendosën shportat për mbeturina. Sipas Kryetarit të Komunës së Vitisë, Sokol Haliti kjo komunë përveç se dëshiron me këtë të krijoj hapësirë gjelbëruese për qytetarët vitias do të ndikoj përmes saj edhe në zhvillimin e Ekoturzimit. Përndryshe Komuna e Vitisë gjatë gjithë këtij viti ka zhvilluar aksione të pastrimit, krijimit të hapësirave gjelbëruese për qytetarët por ka marrë edhe masa në parandalimin e shkatërrimit të pyjeve. Kjo gjë u bë pasi që Kryetari Haliti ka marrë dy vendime për këtë çështje të cilat janë duke u implementuar në territorin e kësaj komune.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara