Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Asociacionit të Komunave të Kosovës, Sazan Ibrahimi ka deklaruar se komunat janë dëmtuar padrejtësisht me mbi 120 milion euro për kontratën kolektive. Ai ka shtuar më tutje se përgjatë këtyre viteve, komunat kanë pësuar edhe nga diskriminimi nga ana e Qeverisë. Kryetari i Asociacionit të Komunave të Kosovës, Sazan Ibrahimi ka thënë se favorizimi nga niveli qendror i komunave me kryetarë nga partia në pushtet duke marrë më shumë mjete financiare për kokë banori, dëmet nga kontrata kolektive e tash edhe ligji aktual për ngritjen e tatimit në pronë, janë disa nga problemet kryesore me të cilat po përballen komunat e Kosovës. Ai ka shtuar më tutje për Kosovapres se nga viti i ardhshëm për pronat komerciale do të ketë ngritje enorme të faturave, e cila do të jetë një barrë jashtëzakonisht e madhe për bizneset dhe është ngritur si shqetësim ndaj Qeverisë.
