Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në komunikatën e përbashkët, pas takimit të katërt të Këshillit për Stabilizim-Asociim ndërmjet BE-së e Kosovës, është thënë se palët kanë ritheksuar rëndësinë e liberalizimit të vizave për Kosovën. Gjithashtu në takim është diskutuar për angazhimin konstruktiv në dialog nga ana e Kosovës. Palët morën parasysh edhe zhvillimet pozitive në rritjen ekonomike të Kosovës, në dritën e parashikimeve të fundit të institucioneve të vendit për vitin 2021. Po ashtu në këtë komunikatë është thënë se të gjitha marrëveshjet e kaluara në mes të Kosovës dhe Serbisë duhet të zbatohen plotësisht. Takimi nënvizoi rëndësinë e angazhimit konstruktiv në dialogun e lehtësuar nga BE-ja për të negociuar dhe arritur një marrëveshje gjithëpërfshirëse të normalizimit ligjërisht të detyrueshme të Kosovës me Serbinë. Kjo është thelbësore në mënyrë që Kosova dhe Serbia të përparojnë në rrugët e tyre evropiane. Të gjitha marrëveshjet e kaluara duhet të respektohen dhe të zbatohen plotësisht”, u tha në komunikatën e përbashkët për shtyp të BE-së dhe Kosovës.
