Komunikatë nga Komuna e Vitisë  

19/12/2024 Institucionet

Komuna e Vitisë lidhur me vizitat që po bëhen nëpër institucionet arsimore të komunës nga zëvendësministri i Arsimit, ka theksuar në komunikatë se po e hargjon kohën kot, në vend se të loboj dhe të sjellë ndonjë të mirë qytetarëve të komunës së Vitisë.

E arritura më e madhe e këtij zëvendësministri dhe zëvendësministrit tjetër po ashtu dhe dy deputetëve aktual, është se kanë arritur të njoftohen me të gjitha të arriturat dhe projektet e realizuara nga komuna e Vitisë, si dhe të shfrytëzojnë rrugët e asfaltuara, për të arritur deri tek destinacioni i tyre i dëshiruar.

Konkretisht, sot zëvendësministri i arsimit paska vizituar çerdhen në fshatin Qifllak, që është përuruar para 3 viteve e cila është e dizajnuar, projektuar dhe realizuar nga kryetari Sokol Haliti në bashkëpunim me ish ministren e arsimit zonjën Hykmete Bajrami.

I’a rikujtojmë zëvendësministrit se çerdhja e destinuar për Viti nga kjo qeveri, ka përfunduar në një fshat të Kamenicës, edhe pse nga Kuvendi Komunal është bërë ndarja e parcelës, si dhe është dhënë leja për ndërtim, është mirë që paraprakisht zëvendësministri të konsultohet me zyrtarët e ministrisë përkatëse e mos të dalë rrugëve të bredhë pa informata të sakta, e mos të dezinformoj qytetarët për projektet që tani më i takojnë të së kaluarës, thuhet në komunikatën e komunës së Vitisë.

Kontrolloni gjithashtu

Kryetari Smajl Latifi realizoj një takim të frytshëm me personelin shëndetësor të QKMF-së “Fahredin Hoti”

Kryetari i komunës së Rahovecit, z.Smajl Latifi realizoj një takim të frytshëm me personelin shëndetësor …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara