Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Është shënuar Java Botërore e Imunizimit, e cila do të mbahet nga 24-30 Prill 2017. Imet Rrahmani, ministër i Shëndetësisë tha se programi i imunizimit është një nga storiet e suksesit të Ministrisë së Shëndetësisë. Ai vlerësoi se Kosova ka qenë në trend të shteteve të suksesshme të imunizimit të fëmijëve, derisa theksoi se po punohet që edhe pakicat të futen në sistemin e imunizimit. Rrahmani u zotua se ministria që ai udhëheqë do të ketë si projekt zhvillimin e vaksinimit. Ndërsa James Mugaju, zëvendësshef i Zyrës së UNICEF-it në Kosovë tha se nuk ka mënyrë më të mirë për prosperitetin e një vendi sesa mbrojtja e fëmijëve, e posaçërisht mbrojtja e tyre përmes vaksinimit. “Java e imunizimit është një jave e rëndësishme për të shënuar dhe për të gëzuar suksesin që është arritur përmes imunizimit dhe për të bërë thirrje për të arritur të gjithë fëmijët të cilët nuk janë arritur deri tani”, tha Mugaju. Ai tha se sipas të dhënave që posedon në Kosovë 79 përqind e fëmijëve të moshës 24-25 muajsh janë të vaksinuar plotësisht, përderisa vetëm 1/3 janë të vaksinuar në mesin e komunitetit rom ashkali dhe egjiptian.
