Konsorciumi shqiptaro-slloven shfaq interesim për ndërtimin e  një fabrike të çimentos në komunën e Klinës

21/10/2016 Institucionet

Kryetari i Komunës së Klinës, Sokol Bashota, ka pritur përfaqësues të konsorciumit të kompanive shqiptaro-sllovene, me të cilët ka biseduar rreth mundësisë së hapjes së një fabrike të çimentos në rajonin e Klinës.

Oferta e Kompanisë shqiptare “Dekor” dhe “ BFB” d.o.o nga Sllovenia parasheh investim rreth 360 milion euro për këtë projekt madhor në të cilin planifikohet të punësohen afër 500 punëtor vendor.

Prezantimi i projektit nga zyrtarët e këtyre dy kompanive është mjafte serioz dhe ndër projektet më të mëdha pas luftës në Komunën e Klinës.

Kreu i Klinës, Sokol Bashota, ka falënderuar zyrtarët e këtyre dy kompanive për gatishmërinë e treguar për të investuar në komunën e Klinës dhe ka shprehur pajtimin në parim që të ndërtohet fabrika e çimentos, gjithmonë duke respektuar dhe zbatuar ligjet në fuqi të Republikës së Kosovës të cilat ligje mbulojnë ketë natyre të investimit.

Bashota sqaroi se të gjitha Kompanitë që janë të interesuara të investojnë në ketë fushë, do të trajtohen njëjtë, por prioritet kanë kompanitë me serioze që gjenerojnë më shumë vende pune dhe kanë kapacitete me të mëdha në investime.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara