Koordinatori Nacional për Kulturë, Rini dhe Sport Rexhep Hoti, dhuroi pako me libra për nxënësit fitues të komunës së Skenderajt

18/01/2020 Institucionet

Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, dhuroi pako me libra për nxënësit fitues të komunës së Skenderajt. Pakot me libra janë shpërndarë për të gjithë nxënësit fitues në Garat e Mendimit Kritik dhe Kreativitetit Kulturor si dhe në Garat Nacionale të Diturisë, të organizuara në nivel shkolle, komune dhe shteti. Ceremoninë e ndarjes së pakove me libra për fituesit e hapi drejtori i DKA-së, Bekim Latifi, i cili në emër të kryetarit të komunës së Skenderajt, Bekim Jashari, e falënderoi Koordinatorin Nacional për këto dhurata stimuluese për nxënësit fitues të komunës së Skenderajt. Drejtori i DKA-së, gjithashtu shprehu gatishmëri për bashkëpunim të vazhdueshëm me këtë institucion shtetëror edhe në të ardhmen, me qëllim të interesit të sigurimit të cilësisë së arsimit për nxënësit e komunës së Skenderajt. Me këtë rast, edhe Koordinatori Nacional për Kulturë, Rini dhe Sport, Rexhep Hoti, pasi i uroi nxënësit e komunës së Skenderajt për sukseset e arritura, theksoi: “Se ju po shpërbleheni me këto libra sepse përmes leximit keni mundësi të arrini gjërat më të bukura në jetë”.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara