Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në kryeqytetin e vendit tonë në Prishtinë dhe në të gjitha qytetet e lokalitetet e Kosovës, por edhe në Shqipëri, në Maqedoni, në Kosovën Lindore, në Mal të Zi dhe kudo në mërgatën shqiptare po mbahen aktivitete në 10-vjetorin e shpalljes së Pavarësisë së Kosovës. Qindra qytetarë, po defilojnë në qendrën e kryeqytetit të vendit tonë me qëllim për të festuar dhjetëvjetorin e Pavarësisë së Kosovës. Është kjo një ditë e veçantë dhe me atmosferë festive, kur qytetarë të shumtë po lëvizin pareshtur, në sheshet e kryeqytetit, ndërsa, shihen flamuj të Kosovës dhe flamuri kombëtar, të valëviten në duart e tyre. 10-vjetorin e shpalljes së pavarësisë shumë personalitete të njohura, të politikës vendore dhe ndërkombëtare, kanë uruar popullin e Kosovës për Ditën e Pavarësinë, në mesin e tyre ish kryetari amerikan Bill Klinon, ish Sekretarja amerikane e Shtetit, Medlin Olbrajt, ish komandanti i NATO-s Veslu Klark, mbretëresha e Anglisë Elizabeta e Dytë dhe shumë personalitete të tjerë nga vende të ndryshme të botës.
