Kosova dhe Turqia fuqizojnë bashkëpunimin përmes “Vitit 2016, Vit i Kosovës”

22/04/2016 Institucionet

Në kuadër të lansimit të programit të Qeverisë turke “Viti 2016, viti i Kosovës” i cili do të bëhet në mesditë, zëvendësministri i Kulturës, Rinisë dhe Sportit, Rexhep Hoti, ka pritur një delegacion të Zyrës së Kryeministrisë së Turqisë për Turqit Jashtë Shtetit dhe Komunitetet Farefisnore, YTB, të kryesuar nga presidenti Kudret Bülbül.

Zëvendësministri Hoti vlerësoi lartë gatishmërinë e Qeverisë së Republikës turke për të investuar në Kosovë në fushën e kulturës dhe fusha tjera të përfshira në program.

Ai shprehu gatishmërinë e Qeverisë së Kosovës për të bashkëpunuar në projekte kulturore dhe në fusha tjera që mbulon edhe MKRS, e që parashihen në programin investues të Qeverisë Turke.

Zëvendësministri tha se Republika e Kosovës dhe Republika e Turqisë kanë shumë strategji të përbashkëta zhvillimore dhe se bashkëpunimi do të fuqizohet edhe më shumë.

Ndërkaq, Bülbül, president për turqit jashtë shtetit dhe komunitete të ngjashme falënderoi zëvendësministrin për pritjen dhe bashkëpunimin.

Ai, shkurtimisht shpalosi disa nga pikat kryesore të programit dhe mundësitë për të ndërtuar ura bashkëpunimi mes Qeverisë së Turqisë dhe Qeverisë së Kosovës nëpërmjet projekteve dhe nismave konkrete.

Bülbül i vlerësoi si shekullore marrëdhëniet mes dy shteteve, Turqisë dhe Kosovës dhe theksoi se bashkëpunimi ndërshtetëror duhet të fuqizohet edhe më shumë.

Ai tha se Kosova dhe Turqia kanë këmbyer ndër vite shumë vlera të përbashkëta si në art, kulturë, arsim, e fusha tjera.

Ndërkaq, nëpërmjet programit të sivjetmë për Kosovën, presidenti Bülbül theksoi se kjo do të ndihmojë edhe ne përfaqësimin në rrafshin ndërkombëtar të Kosovës, nëpërmjet projekteve të ndryshme.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara