Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadorja amerikane në NATO, Xhulianne Smith, shprehu dëshirën e Shteteve të Bashkuara që Kosova të bëhet pjesë e programit të NATO-s, Partneriteti për Paqe, por theksoi se vendi, paraprakisht duhet të tregojë përparim në dialogun e lehtësuar nga Bashkimi Evropian. Ajo bëri këto komente të mërkurën, duke nënvizuar rëndësinë e angazhimit të Kosovës për të investuar në këtë proces. Partneriteti për Paqe është një program i NATO-s që synon krijimin e besimit midis shteteve anëtare dhe atyre që nuk janë anëtare, dhe shërben si një rrugë për vendet që aspiron të anëtarësohen në NATO. Ambasadorja Smith shprehu kënaqësi për interesin e madh të Kosovës për t’u bashkuar me këtë iniciativë, duke theksuar se miqtë tanë në Kosovë i kanë dëgjuar thirrjet tona të zëshme dhe të qarta. Vendimet për pranimin e vendeve në Partneritetin për Paqe merren me konsensus nga të gjitha vendet anëtare të NATO-s.
