Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në 25-vjetorin e themelimit, stafi i sotëm i Agjencisë së Lajmeve Kosvapress, ka publikuar një shkrim redaksional, në të cilin, as edhe për hir të 25-vjetorit, të fillimit nga puna nuk ka përmendur me asnjë fjali, madje me asnjë fjalë, luftën e Ushtrisë Çlirimtare, themeluesin e kësaj agjencie që ishte SHP i UÇK-së, përgjegjësin e kohës së luftës, Berat Luzha gazetarët e teknikët, Ismet Sopi, Isa Krasniqi, Besnik Berisha Qemal Aliu, Metë Bytyçi, Fadil Bajraktari.
Këta gazetarë e luftëtarë të lirisë dhe aktiviteti i Agjencisë sidomos në 6 muajt e luftës, të paktën do të duhej të përmendeshin në një përvjetor Jubilar si ky i sotmi. Madje për hir të njerëzisë, atdhetarisë, kolegialitet, gjakut të derdhur për çlirimin e vendit, në mesin e tyre edhe gazetarë të Radios dhe të Agjencisë në terren, do të duhej të ishin falënderuar me këtë rast.
Por jo. Kosovapressit nuk i intereson e kaluara, rrënjët, historia por vetëm ko e sotmja kapitaliste me të cilën është ngritur po në radhë të parë mbi kapitalin financiar të Qeverisë së përkohshme të Kosovës, kur nga Fondi mori 175 mijë marka gjermane, ndërsa Radio-Kosova e Lirë vetëm 25 mijë. Më vonë për disa vjet rresht ishte barrë e PDK-së. Asnjë nga këtë fakte nuk i përmend Kosovapresi, madje as në çerek-shekullin, të cilin e shënon me shumë e shumë të arritura komerciale, ekonomike, lidhje mediale me botën, e çka jo.
