Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bashkimi Evropian edhe një herë ka ripërsëritur se Kosovës i mbesin edhe dy kritere të papërmbushura për liberalizimin e vizave. Nga krerët shtetëror luftimi i krimit të organizuar dhe korrupsionit është lënë kriter nën hije, ndërsa zyrtarë të BE-së vazhdimisht kanë përmendur plotësim e këtij kushti. Madje kryeministri në detyrë Isa Mustafa gjatë Samitit të Trieshtës, tha se Kosova ka përmbushur 94 nga 95 kriteret e kërkuara duke përmendur vetëm përcaktimin e vijës kufitare me Malin e Zi si kriter të paplotësuar. Por në Bruksel thonë ndryshe. Maja Kocijançiç, zëdhënëse e përfaqësueses së lartë për Politikë të Jashtme dhe Siguri, Frederica Mogherini thotë se Kosova duhet të vazhdojë të tregojë rezultatete në luftën kundër krimit të organizuar e korrupsionit të nivelit të lartë. Ajo përmendi takimin e presidentit Hashim Thaçi me kreun e Komisionit Evropian, Zhan Klod Junker ku u diskutua në lidhje me përmbushjen e këtij kriteri, duke porositur që punë në luftimin e krimitë të organizuar e korrupsionit duhet të vazhdojë.
