KPF në Skenderaj ka mbajtur mbledhjen e fundit për këtë vit

20/12/2022 Institucionet

Komiteti për Politikë e Financa i komunës së Skenderajt, i udhëhequr nga kryesuesja e Kuvendit Komunal, Adelina Spahiu, në të cilin kanë marrë pjesë kryetari i Komunës, Fadil Nura, drejtorët komunalë dhe anëtarët e këtij komiteti, ka mbajtur sot mbledhjen e radhës, të fundit për këtë vit, ku janë shqyrtuar pikat e rendit të ditës, si:

– Propozim-vendimi për miratim paraprak të vendimit mbi publikimin e listës së përgjithshme të pronave të paluajtshme të Komunës, që planifikohen për dhënie në shfrytëzim personave fizik/juridik

– Propozim-vendim për dhënien në diskutim publik të Draft-Planit për Mobilitetin Urban

– Propozim-vendim për formimin e komisionit për drejtorë dhe zëvendësdrejtorë.

Pas diskutimeve dhe pyetjeve nga ana e anëtarëve të KPF-së në pikat e rendit të ditës, në të cilat kanë dhënë sqarime kryetari Nura dhe drejtorët komunalë, komiteti i ka votuar të gjitha pikat e rendit, dhe të njëjtat janë rekomanduar për miratim në seancën e ardhshme të Kuvendit Komunal, që pritet të mbahet në fund të këtij muaji.

Kontrolloni gjithashtu

Zyra e Avokatit të popullit organizon takime me qytetarët malishevas, Avokati i popullit një hap më afër qytetarit

Komuna e Malishevës nëpërmjet faqes zyrtare të saj në Facebook ka bërë të ditur orarin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara