KPF në Viti mbajti mbledhjen e VII-të të rregullt

20/08/2021 Institucionet

Sot, është mbajtur mbledhja e shtatë e rregullt e Komitetit për Politikë e Financa në komunën e Vitisë, ku në rend dite ishin: Shqyrtimi dhe miratimi i procesverbalit nga mbledhja e gjashtë e KPF-së dhe, propozimi për shqyrtimin dhe miratimin e propozim vendimit për shpalljen në diskutim publik, projekt planin e punës së kuvendit komunal të Vitisë, për vitin 2022. Në këtë mbledhje kryesuesi i kuvendit komunal të Vitisë, Naim Pira, ka shprehur shqetësimin e tij rreth rritjes së rasteve të infektimit, hospitalizimit dhe vdekjeve nga varianti i ri i virusit Covid -19, “Delta”. Po ashtu, ai i ka njoftuar anëtaret e komitetit rreth rasteve aktuale me Covid -19, si dhe, ka bërë thirrje tek të gjithë qytetarët, që t’i zbatojnë të gjitha masat parandaluese. “Gjatë këtyre dy javëve në komunën e Vitisë, kemi 334 raste aktive, 7 raste janë në hospitalizim si dhe kemi 4 të vdekur, e që është shqetësuese kjo gjendje për komunën tonë. Andaj, ju bëj thirrje të gjithë qytetarëve pa dallim moshe, që të kenë kujdes të shtuar dhe, t’i zbatojnë të gjitha masat parandaluese në përpikëri”, u shpreh kryesuesi Pira. Përndryshe të dy pikat e parapara për votim kanë marrë përkrahjen e anëtarëve të KPF-së dhe pritet të shkojnë për shqyrtim, në seancën e radhës së Kuvendit Komunal të Vitisë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara