Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Këshilli i Prindërve të Kosovës përmes një deklarate publike të enjten, ka thënë se nuk ka kuptim të kompensohen orët e humbura nga greva në arsim, derisa mësimdhënësit ende nuk i kanë marrë pagat e muajit shtator. Sipas njoftimit, për shumicën e prindërve të Kosovës, mosdhënia e pagave nga Qeveria e Kosovës vetëm për punësuarit në sektorin e arsimit, është vendim i kontestueshëm ligjërisht, i padrejtë dhe i dëmshëm në shumë dimensione. “Për shumicën e prindërve të Kosovës, mosdhënia e pagave nga Qeveria e Kosovës vetëm mësimdhënësve grevistë (ndërsa të punësuarit grevist në sektorët e tjerë janë paguar) është vendim i kontestueshëm ligjërisht, i padrejtë dhe i dëmshëm në shumë dimensione”, thuhet në deklaratën e tyre. “As kushtëzimi apo riemërtimi i dhënies së pagës nuk është aspak më i mirë, përkundrazi… Për habinë më të madhe as punëtorët teknikë, menaxhmentet e shkollave, mësimdhënëset lehona apo mësimdhënësit që kanë mbajtur mësim nuk janë paguar. Pra një seri gabimesh, me pasoja juridike, në këtë vendim”.
