Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komisioni Qendror i Zgjedhjeve ka shpallur rezultatet preliminare të balotazhit në 21 komuna.
Bazuar në rezultatet aktuale të KQZ-së, zgjedhjet komunale 2021 i ka fituar Partia Demokratike e Kosovës.
PDK në raundin e parë arriti të fitojë katër komuna, kurse në balotazh pesë, gjithsej nëntë.
E dyta është Lidhja Demokratike e Kosovës, e cila arriti të fitojë shtatë komuna.
Aleanca për Ardhmërinë e Kosovës, ka marrë pesë, ndërsa Lëvizja Vetëvendosje katër komuna.
PDK ka fituar në Prizren, Mitrovicë, Skenderaj, Ferizaj, Hani i Elezit, Vushtrri, Kaçanik, Drenas, dhe në Dragash;
LDK ka fituar në Prishtinë, Pejë, Lipjan, Burim, Viti, Junik, Fushë Kosovë;
AAK ka fituar komunat Gjakovë, Deçan, Therandë, Klinë, dhe në Rahovec;
Vetëvendosja me një garë krejt të ngushtë ka fituar në komunat Kamenicë, Shtime, Gjilan, dhe në Besianë.
Nisma Socialdemokrate ka fituar në Malishevë, në të vetëm komunë ku edhe kishte garuar.
Kandidati i pavarur, Xhafer Gashi ka fituar në Kastriot.
