Komisionit Qendror i Zgjedhjeve ka publikuar rezultatet preliminare të votimit për kryetar të komunës së Drenasit. Sipas KQZ-së, Ramiz Lladrovci i PDK-së ka fituar 14. 242 të votave ose 62.69 për qind, ndërsa kandidati i Nismës për Kosovë, Isa Xhemajlaj, ka fituar 8. 476 vota ose 37.31 për qind. Këto rezultate nuk përfshijnë votat me kusht, ato me postë edhe votat e personave me nevoja të veçanta. Zgjedhjet për kryetar të Drenasit janë mbajtur në dy radha, pasi në radhën e parë asnjëri kandidat nuk i kishte fituar votat e nevojshme për ta qeverisur Drenasin. Kjo ishte hera e parë që PDK-ja nuk kishte arritur t’i fitojë zgjedhjet në radhën e parë.
![KQZ: Ramiz Lladrovci, ka fituar zgjedhjet për kryetar në Drenas](https://www.radiokosovaelire.com/wp-content/uploads/Ramiz-Lladrovci.jpg)