Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Këshillit Kombëtar të Nismës për Kosovën, Jakup Krasniqi, duke folur në RTK lidhur me nismën për shndërrimin e FSK-së në Forcë të Armatosur ka deklaruar se kryetari, Hashim Thaçi, ka mundur ta bëjë këtë, në kohën sa ka qenë kryeministër. Tani pa u zgjidhur disa probleme reale, është shtuar edhe çështja e ushtrisë. Kryetari po përpiqet për ta ngritur prestigjin e tij por jo aq shumë po interesohet për formimin e ushtrisë në kuptimin më të mirë të fjalës. Jam i bindur se kjo çështje është dashur të kryhet dhe nuk ka pasur gatishmëri, sepse është vështirë ta gjesh cilindo qytetar të Kosovës që merret me politikë e që është kundër transformimit të FSK-së në ushtri. Por, kjo temë është hapur në kohën kur kemi kundërshtime nga Amerika, NATO-ja dhe BE-ja dhe nuk është mirë për faktin se gjatë gjithë këtyre viteve të pas luftës por edhe në procesin e pavarësisë, jemi koordinuar me këta faktorë ka thënë mes tjerash Jakup Krasniqi.
