Ministri i Tregtisë dhe Industrisë, Vesel Krasniqi, ka thënë se që nga marrja e detyrës së tij fokus të veçantë i ka kushtuar konsumatorit. Ai ka thënë se janë çdo ditë në teren për të parë nga afër se çka po u servohet qytetarëve për konsum dhe nevoja të ndryshme. Më tutje, ministri ka theeksuar se në këtë linjë është edhe vendimi për ndalimin e përkohshëm të importit të vajit të palmës, sepse ka pasur plotë produkte të cilët janë shitur me deklaracion se kanë përmbajtje të qumështit dhe në fakt ato kanë pas vetëm përmbajtje të vajit të palmës. Krasniqi ka folur edhe për importimin e produkteve nga Serbia, duke thënë se statistikat flasin së ka rënë dukshëm konsumimi i produkteve nga Serbia, gjithmonë duke i krahasuar me periudhat tjera vjetore.
![Krasniqi: Në krahasim me periudhat tjera vjetore ka rënë dukshëm konsumimi i produkteve nga Serbia](https://www.radiokosovaelire.com/wp-content/uploads/101664502_678295973011988_3590826198302720000_n-660x330.jpg)