Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëvendësdrejtori i Fondit të Kursimeve Pensionale të Kosovës – Trusti, Agron Krasniqi ka bërë të ditur se vlera e aksionave të këtij fondi, gjatë vitit 2022 është tkurrur për 118 milion euro. Ai ks shtuar më tutje se gjatë gjithë historisë së këtij institucioni janë vetëm tre vite me humbje, ndërsa gjatë 20 viteve të tjera, Trusti ka pasur vetëm bilanc pozitiv. “Viti 2022 është viti ku është diskutuar më së shumti dhe ka pasur lajme bombastike se është dalë me humbje, kjo humbje për të cilën po flitet në standaret financiare quhet kthim negativ ose humbje e parealizuar, pra nuk kemi arrit të realizojmë fitimin që kemi synuar. Viti 2022 ka përfunduar me kthim negative prej – 5.5%. Pra është e vërtetë që kemi një kthim negativ apo humbje mbi 118 milionë euro, por një vit më parë në vitin 2021 kishim një vlerë rekorde të kthimit të investimeve që prej themelimit të Trustit Pensional” ka thënë në emisionin EURO n’7, zëvendësdrejtori i Fondit të Kursimeve Pensionale të Kosovës – Trusti, Agron Krasniqi.
