Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Krerët e Qeverisë së Serbisë kanë nisur një furi sulmesh kundër kryetarit të Malit të Zi, Milo Gjukanoviq, por edhe kundër kryeministrit të Shqipërisë, Edi Rama, i cili krej hapur e kishte mbështetur Gjykanoviqin. Serbi Ivica Daçiç, numri dy i qeverisë dhe ministër i Jashtëm, e ka sulmuar Edi Ramën se sipas tij ai qenka përzier në punët e brendshme të një vendi fqinj, duke nënvizuar se Serbia dhe Aleksandar Vuçiç, kurrë nuk kanë ndërhyrë në punët e brendshme të Malit të Zi. Ministri i Jashtëm serb theksoi se Serbia nuk është e interesuar në çështjen e pushtetit në Malin e Zi, por vetëm në të drejtat dhe liritë e popullit serb, kur ka rreth 29% në atë vend, si dhe pozicionin e Kishës Ortodokse Serbe, “prona dhe vendet e shenjta të së cilës ishin në shënjestër nga autoritetet malazeze”. Ai vlerësoi se ishte “e turpshme” që Gjukanoviç “ sulmoi Serbinë dhe Vuçiçin” për ndërhyrje në punët e brendshme të Malit të Zi, sepse Gjukanoviq, sipas Daçiqit kishte “ndërhyrë drejtpërdrejt në punët e brendshme të Serbisë, duke njohur pavarësinë e Shtetit të Kosovës.
