Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Si pasojë e sulmit ajror të avionëve luftarakë të Ushtrisë Siriane në tregun që gjendet në qendër të qytetit Idlib, bëhet e ditur se tash për tash kanë humbur jetën 28 qytetarë sirianë, ndërsa janë plagosur 41 të tjerë. Zyrtari i mbrojtjes civile në Idlib, Muhammed Ali në deklaratën për Agjencinë turke Anadolu, tha se avionët e regjimit të Bashar Al Asadit kanë bombarduar tregun në qendrën e qytetit Idlib, që është nën kontrollin e opozitarëve. Ai duke theksuar se nga sulmet kanë humbur jetën 28 civilë, mes të cilëve gjenden gra dhe fëmijë dhe se janë plagosur 41 të tjerë, tha se “Nga sulmet u shkaktua zjarr në dhjetëra automjete, vende të punës dhe shtëpi. Ekipet e mbrojtjes civile dhe zjarrfikësit e shuan zjarrin.” Të plagosurit nga sulmi ajror i regjimit janë transferuar në spitalet fushore me anë të ambulancave, theksoi se janë të shqetësuar që numri i të vdekurve të rritet. Duke theksuar se regjimi i Asadit e ka shënjestruar tregun në prag të Kurban Bajramit, theksoi se nga sulmet kanë humbur jetën vetëm civilë të pafajshëm. SHBA-të dhe Rusia me qëllim ndalimin e konflikteve në Siri ranë dakord që armë-pushimi në të gjithë Sirinë të fillojë me Kurban Bajramin, më 12 shtator.
