Kryebashkiaku i Lezhës, Pjerin Ndreu, ka mohuar raportet që pretendojnë se në këtë vit ka pasur një rënie të turistëve nga Kosova në Shqipëri. Ai i cilësoi këto lajme si propagandë dhe theksoi se në gjashtëmujorin e parë të vitit 2024 janë regjistruar 1.7 milionë hyrje nga Kosova. “Turistët nuk matën me humorin personal të një individi, turistët matën me statistikë. 15 për qind hyrje nga shqiptarët e Kosovës për gjashtëmujorin e parë, pa llogaritur korrikun. 1.7 milionë hyrje. Është një propagandë e orkestruar,” tha Ndreu. Ai nënvizoi se raportet që flasin për një rënie të turizmit janë të pabaza dhe të orkestruara nga aktorë të ndryshëm, duke përfshirë edhe faktorë të huaj. Kryebashkiaku e përshkroi situatën si një përpjekje për të manipuluar opinionin publik dhe për të dhënë një pamje të pasaktë të realitetit të turizmit në Shqipëri.
![](https://www.radiokosovaelire.com/wp-content/uploads/Pjerin-Ndreu-640x330.jpg)