Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kuvendit të Kosovës, Kadri Veseli, i ka dhënë mbështetje iniciativës së kryetarit, Hashim Thaçi për themelimin e Komisionit për të Vërtetën dhe për Pajtim. Gjatë takimit të parë konsultativ, Kryeparlamentari Veseli tha se institucionet e Kosovës po dëshmojnë se kanë vullnet ta zbardhin të kaluarën, të ballafaqohen me të vërtetat e saj dhe të ndihmojnë në shërimin e plagëve, që ka lënë pas ajo. Ai tha se edhe 18 vite pas luftës, mijëra qytetarë vazhdojnë të jenë të zhdukur. “Populli ynë pagoi një çmim shumë të madh për lirinë dhe pavarësinë e tij, si shumë e shumë popuj tjerë të shtypur gjatë historisë. Plagët ishin të mëdha, dhe fatkeqësisht ende janë të pashëruara. Vitet po kalojnë dhe ne ende nuk dimë për fatin e mijëra qytetarëve të Kosovës. Qindra familje jetojnë me dhimbjen e rëndë për të dashurit e tyre të pagjetur. Ata vijnë nga të gjitha komunitetet, por shumica dërmuese janë shqiptarë’’. Veseli ka folur edhe për heshtjen e shtetit serb për dhjetëra masakra të kryera në Kosovë, për të cilat ende askush nuk është dënuar.
