Kryeministri, Albin Kurti ka reaguar ndaj shpërthimeve në magjistralen që shpie te Liqeni i Ujmanit. Ai ka thënë se Serbisë dhe qarqeve të saj mike, nuk iu leverdisë normaliteti i krijuar në veriun e Kosovës. “Sipas informatave të Policisë së Kosovës, sot rreth orës 14:30 në vendin e quajtur “Te tuneli i pestë”, në rrugën magjistrale te liqeni i Ujmanit, nga një apo më shumë persona të panjohur është hedhur një granatë dore me ç’rast dy vetura të parkuara, njëra me targa vendore dhe tjetra me targa amerikane, janë dëmtuar. Serbisë dhe qarqeve të caktuara mike me të, nuk iu levërdis normaliteti i krijuar në atë pjesë të vendit tonë. Duke e humbur ndikimin në këtë zonë, nervoza u bëhet agresivitet. Edhe grupe të ndryshme kriminale, pak a shumë të lidhur me të, kanë humbur mundësinë për përfitime enorme çfarë i patën për më shumë se dy dekada që nga çlirimi i Kosovës. Kjë është e dhimbshme për ta dhe vështirë e pranueshme” ka shkruar mes tjerash, kryeministri, Albin Kurti.
![](https://www.radiokosovaelire.com/wp-content/uploads/Kurti-50-660x330.jpg)