Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kabineti i kryeministrit, Albin Kurti ka konfirmuar, se ai ka vendosur të udhëtojë drejtë Tiranës, më 16 tetor, për në Samitin e Procesit të Berlinit. Dhe axhendën e ka të qartë. Nuk dihet ende nëse edhe kryetari serb, Aleksandër Vuçiç do t; i përgjigjet pozitivisht ftesës, por kryeministri i Kosovës, e ka të vendosur që të ngre çështjen e sulmit terrorist në veri, më 24 shtator dhe gjithë asaj çka ka pasur në vijim. Kjo është konfirmuar nga këshilltari i tij, Jeton Zulfaj, për “Kosova Press”. “Kurti në adresimin e tij do të përmend sulmin terrorist në veri. Samiti në kuptimin e atyre që do të arrihen nuk ka çështje të sigurisë, por ajo do të jetë temë diskutimi në këtë samit ose më mirë të themi në çështjen e adresimit që do të bëjnë liderët e rajonit. Çështja e Kosovës karakterizoi dhe Ministrialin, që u mbatë të premten, më 6 tetor, nën drejtimin e ministrit të jashtëm, Igli Hasani. Këtu ministri i Jahstëm serb Ivica Daçiç pati një takim të tensionuar me homologen gjermane dhe mori konfirmim nga Tirana dhe Brukseli të qëndrimeve kundër Serbisë.
