Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kosovës, Albin Kurti, është duke marrë pjesë në Samitin e Bankës Evropiane për Rindërtim dhe Zhvillim, që po mbahet, në Londër të Britanisë së Madhe. Në këtë samit të pranishëm janë kryeministrat nga vendet e Ballkanit Perëndimor, Kryeministri i Kosovës, Albin Kurti, ai i Kroacisë, Andrej Plenkoviq, kryeministri i Shqipërisë, Edi Rama, kryeministri i Malit të Zi, Dushko Markoviq dhe kryeministrja e Serbisë, Ana Bërnabiq. Albin Kurti në fjalën e tij para të pranishmëve ka thënë se investimet nga diaspora do ta ndihmonin Kosovën jashtëzakonisht shumë. Ai i ka kërkuar kryeministres serbe, Ana Bernabiq që Serbia të njohë Kosovën. Zëvendës-presidenti i BERZH-it, Jurgen Rigtering, bëri të ditur me këtë rast se Kurti i ka kërkuar Serbisë reciprocitet dhe njohje, pasi Bërnabiq deklaroi se përmirësimi i tregtisë rajonale është thelbësore për sigurinë. Kurti pajtohet me këtë konstatim por kërkon reciprocitet dhe njohje të pavarësisë së Kosovës nga Serbia, ka shkruar Rigtering.
