Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një takim mes Kryeministrit të Kosovës, Albin Kurti, dhe Ministrit për Komunitete dhe Kthim, Nenad Rashiq, me serbin nga Shtimja, Goran Vasiljeviç, ka ngjallur reagime në publik dhe në qarqet politike të Kosovës. Vasiljeviç, i cili punon në Ministrinë e Mjedisit dhe Planifikimit Hapësinor, është një figurë kontroverse dhe njihet për lidhjet e tij me kriminelët serbë, si ish-komandanti i forcave paramilitare serbe, Dragan Vasiljkoviç, dhe ish-shefi i Ushtrisë Serbe, Nebojsha Pavkoviç. Sipas burimeve të Policisë së Kosovës, Vasiljeviç i dyshohet se kishte lidhje me grupin e agjentëve serbë që kishin ardhur në Kosovë për të blerë dëshmitarë duke iu ofruar atyre shuma të majme parash në këmbim të deklaratave të tyre për trafikim të organeve nga Ushtria Çlirimtare e Kosovës gjatë periudhës së luftës në Kosovë. Takimi dhe fotografitë e publikuara të Vasiljeviqit me Kryeministrin Kurti kanë krijuar shqetësime të reja, duke ngritur pyetje mbi qëndrimin dhe qasjen e qeverisë ndaj personave me të kaluar të dyshimtë.
