Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kosovës, Avdullah Hoti, e ka pranuar se koalicioni qeverisës nuk i ka votat për ta zgjedhur presidentin e ri të vendit. Sipas tij të gjitha partitë politike duhet të ulen bashkë dhe të arrihet një marrëveshje përtej koalicionit qeverisës. “Tash jemi para një situate të re, ku presidenti ka dhënë dorëheqje. Besoj se është periudhë e ndjeshme, pasi ai sapo ka dhënë dorëheqje. Tash kanë filluar proceset në Dhomat e Specializuara, prandaj në një moment të duhur kohor do të ulemi dhe do të shohim nëse do të mund të arrijmë konsensusin e nevojshëm për ta tejkaluar këtë situatë. Në aspektin kushtetues është më se e qartë”, ka deklaruar Hoti. E për atë se si do të duket një marrëveshje e tillë, Hoti thotë se është herët që të flitet. Është e qartë se me votat që i ka ky koalicion qeverisës, nuk mund ta zgjedhë presidentin e ri të vendit, prandaj duhet një marrëveshje përtej këtij koalicioni qeverisës. Se si do të duket kjo marrëveshje, është shumë herët të flitet sepse nuk jemi ende duke diskutuar”, ka thënë Hoti.
